"Real" İker Kasilyasla müqaviləni pozdu

"Real"ının kapitanı İker Kasilyas komandasını tərk edir.

Teleqraf.com xəbər verir ki, bu barədə Bu barədə TVE telekanalı məlumat verib.

Təcrübəli qolkiper artıq müqavilənin pozulması ilə bağlı klubu ilə hər şeyi həll edib. Onun gedişi haqda məlumat "Mançester Yunayted"in qapıçısı David De Xeanın transferinin elan edilməsindən sonra veriləcək.

Madrid klubu 34 yaşlı qapıçı ilə layiqli şəkildə vidalaşmaq istəyir. Bu səbəbdən də müqvilənin pozulduğuna görə ona təzminat ödəyəcək. Kasilyasın "Real"la daha iki illik anlaşması var idi.

Qapıçının özü isə hələlik karyerasını harada davam etdirəcəyini müəyyənləşdirməyib.

Kasilyas La Liqa nəhəngində 25 ilini keçirib. Bunlardan 16-sı əsas komandada olub. Bu müddət ərzində 5 dəfə İspaniya çempionu olub və 3 dəfə də Çempionlar Liqasını qazanıb. Bunlardan başqa, Kasilyasın daha 8 titulu var.

Rüstəm