Bakı Olimpiya stadionunda növbəti futbol həyəcanı

Azərbaycan və Moldovanın futbol üzrə milli komandaları arasında yoldaşlıq görüşü Bakı Olimpiya stadionunda keçiriləcək. Bu barədə stadionun direktoru Cavid Qarayev məlumat verib.

Publika.az xəbər verir ki, noyabrın 17-də təşkil olunacaq qarşılaşma saat 21:00-da başlanacaq. C.Qarayev oyuna hazırlıq işlərinə oktyabrın 27-dən start verəcəklərini açıqlayıb.

Qeyd edək ki, bu, Bakı Olimpiya stadionunda keçiriləcək ikinci futbol matçı olacaq. 69 min tamaşaçı tutumuna malik arenada ilk qarşılaşma oktyabrın 10-da Azərbaycan və İtaliya milliləri arasında AÇ-2016-nın seçmə qrup matçına təsadüf edib. Həmin görüşdə qonaqlar qalib gəlib - 3:1.