Heyvandarlıq məhsullarının istehsalı artıb

2014-cü ildə Azərbaycanda diri çəkidə 505,5 min ton ət, 1855,8 min ton süd, 1562,7 milyon ədəd yumurta və 16,8 min ton yun istehsal edilib.

Dövlət Statistika Komitəsindən Teleqraf.com-a bildiriblər ki, ət istehsalı 2013-cü illə müqayisədə 8,3 min ton və ya 1,7 faiz, süd istehsalı 59,1 min ton və ya 3,3 faiz, yumurta istehsalı 161,3 milyon ədəd və ya 11,5 faiz, yun istehsalı isə 263 ton və ya 1,6 faiz artıb.