Zaurun "qəzaya düşməsi"nin səbəbi bəlli oldu - YENİLƏNİB

Bu gün mətbuatda aparıcı Zaur Baxşəliyevin qəza keçirməsi xəbəri gündəmi zəbt etdi. Hadisə ilə bağlı Zaur Baxşəliyevlə əlaqə saxlasaq da, telefon zənglərinə cavab vermədi.

Teleqraf.com-un əməkdaşının sözügedən fotonu sosial şəbəkədə paylaşan Faiq Ələkbərovla əlaqə saxalamaq cəhdləri baş tutmayıb. O da telefon zənglərinə cavab verməyib.

Bu gün “Bizimləsən” verilişinin canlı efirinə çıxan aparıcı Zaur Baxşəliyevin bu hadisəyə aydınlıq gətirəcəyi gözlənilsə də, o, qəzaya düşməsi barədə heç bir açıqlama verməyib. Belə anlaşılır ki, Zaur bu addımı verilişinin reklamı üçün atıb.

Xatırladaqki, Faiq Ələkbərli İnstaqramda Zaur Baxşəliyevin xəstəxanadan fotosunu paylaşıb. Fotoda aparıcının qolu və boynu sarıqlı halda xəstəxanada olduğu göstərilib.

15.33

Məşhur aparıcı Zaur Baxşəliyevin qəza keçirməsi ilə bağlı xəbər yayılıb.

Məsələ ilə bağlı ATV-nin Xəbərlər Departamentinin Baş redaktoru Vaqif Aydınoğlu ilə əlaqə saxladıq. O, Zaur Baxşəliyevin qəza keçirməsini təsdiqləmədi: “Kanalda deyiləm, işlə bağlı başqa yerdəyəm. Bu haqda xəbər almamışam. Yarım saata açıqlama verməyə çalışacam”.

Rəqsanə