Türkiyədə yaşayan azərbaycanlı aktrisa: “Xəbəriniz olsun, evlənirik”

Türkiyədə yaşayan və fəaliyyət göstərən azərbaycanlı aktrisa Könül Nağıyeva “Qız qaçıran 2” filmində rol alacaq.

Teleqraf.com xəbər verir ki, film rejissor Korhan Uğurun “Qız qaçıran 1” filminin davamıdır.

Yeni film layihəsinin xəbərini sosial şəbəkədən çatdıran aktrisa həmkarı Ergün Kuyucu ilə birgə çəkilən fotosunu “Xəbəriniz olsun, biz evlənirik” statusu ilə paylaşıb. İzləyicilərin bəziləri statusu ciddi qəbul edib, aktrisanın ailə qurduğunu düşünüblər. Çoxsaylı təbriklərdən sonra aktrisa Ergün Kuyucunun yeni filmdə həyat yoldaşı obrazında çıxış edəcəyini deyib.

Könül Nağıyeva və Ergün Kuyucu “Qız qaçıran 1” filmində də rol alıblar.

Pərvin