“Maşın şou” başlayır - Rəsmi açıqlama

“Maşın şou” mayın 28-dən etibarən ATV kanalında yayımlanacaq.

Bunu Teleqraf.com-a “M Qrup Prodakşn”ın mətbuat katibi Kübra Məhərrəmova deyib.

O bildirib ki, bu dəfə də maşının ətrafına 18 ulduz iştirakçı toplaşacaq:

“Ulduzların kimliyi son ana qədər sirr saxlanılır. Şounu Azərbaycanın əməkdar artisti Murad Dadaşov aparacaq.
Tamaşaçılar verilişi hər axşam canlı olaraq saat 22:00-da izləyə biləcəklər. İntriqa, qruplaşmaların amansız mübarizəsi yenə gündəmdə olacaq. “Maşın şou”nun 14-cü sürəti tezliklə hamını cəlb edəcək”.

Qeyd edək ki, bir müddət əvvəl mətbuatda dizayn studiyalarının birindən “Maşın şou” ilə bağlı eskizlər yayılmışdı. Eskizlərə əsasən, şounun iştirakçıları arasında Faiq Ağayev, Nadir Qafarzadə, Aşıq Əli, Aygün Kazımova və Röyanın olduğu ehtimal edilir.

Nərmin