Tanınmış aktrisa: “Hamı qələt edir!”

“İstəyirəm hər zaman yanımda olasan və deyəsən ki, arxanda mən varam... Hamı qələt edir!”

Teleqraf.com xəbər verir ki, bu sözləri tanınmış aktrisa, teleaparıcı Zümrüd Qasımova 2011-ci ilin bu günü dünyasını dəyişən Azərbaycanın novator teatr rejissoru Vaqif İbrahimoğlu haqda yazıb:

“Ustad, sənsiz 6 il...Vaqif müəllim, sənə çox ehtiyacım var. Böyük insan, şəxsiyyət, ata, dost, canımda can...”

Vaqif İbrahimoğlu 18 oktyabr 1949-cu ildə Bakı şəhərinin Mərdəkan qəsəbəsində anadan olub. 1967-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsinə daxil olub, 1972-ci ildə həmin institutu bitirib.

1976-1979-cu illərdə Azərbaycan Teatr Cəmiyyətinin nəzdindəki Eksperimental Teatr Studiyasında, 1979-1982-ci illərdə Tədris Teatrında bədii rəhbər, 1982-1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərib.

1989-cu ildən “YUĞ” Teatrının bədii rəhbəri vəzifəsində çalışıb.

Vaqif İbrahimoğlu 12 may 2011-ci ildə Bakıda vəfat edib.

Pərvin