Xəstəxana: Müğənni reanimasiyada qalacaq

Reanimasiyada olan müğənni İrəm Dericinin səhhəti ilə bağlı müalicə olunduğu xəstəxananın baş həkimi Reha Baran Türkiyə mediasına açıqlama verib.

Teleqraf.com-un məlumatına görə, həkim ifaçının vəziyyətinin nisbətən yaxşıya doğru getdiyini deyib:
“Televizora baxır, qəzet oxuyur. Vəziyyəti hazırda yaxşıdır. Meyvə istədi, verdik, yedi. Yavaş-yavaş toparlanır.

Çəki itirməsinə gəlincə, burda dramatik heç nə yoxdur. Böyrəklərinin işləməməsi ilə bağlı deyilənlər də yalandır. Sadəcə hər ehtimala, bir müddət onu reanimasiyada saxlamaq fikrimiz də var”.