Reperdən Natavanla bağlı etiraf: "Evlənmək bizim kimi insanlar üçün deyil"

Reper Dado (Səid Əliyev) MTV Azərbaycan kanalında keçmiş həyat yoldaşı, müğənni Natavan Həbibi ilə münasibətindən danışıb.

Teleqraf.com xəbər verir ki, Dado münasibətinin yaxşı olduğunu deyib:

"Natavanın ailəsi ilə münasibətim yaxşıdır. Natavanın anası da, bacısı da oğlumu padişah balası kimi böyüdürlər. Mən onların qarşısında baş əyirəm. Öz aramızda nə olub-olmayıb, onu kənara qoyuram. Tez-tez onlara gedib-gəlirəm. Arada sıxıntılar oldu, sonra bir-birimizi başa düşdük. Sonunda hər kəs öz yerinə döndü".

Reper aparıcının "Natavan Həbibi ilə hər hansı probleminiz yox idisə, üçüncü şəxsin müdaxiləsi vardımı" sualına cavabda deyib: "Kənar şəxslərin də müdaxiləsi vardı. Ümumiyyətlə, sonda onu başa düşdük ki, evlənmək bizim kimi insanlar üçün deyil".