Ferhat Göçer: "Qarabağ Azərbaycandır!"

Türkiyəli məşhur müğənni Ferhat Göçer Heydər Əliyev Sarayında konsert proqramı ilə çıxış edib.

Teleqraf.com xəbər verir ki, Ferhat Göçer konsertdən öncə media nümayəndələrinin suallarını cavablandırıb:

"Heydər Əliyev Sarayında Bakıdakı dostlarımla bir araya gəlmək mənim üçün böyük bir xoşbəxtlikdir. Xüsusilə, son vaxtlar Azərbaycan və Türkiyədə vacib hadisələr yaşanır. Bu vəziyyətin "Bir millət, iki dövlət" olaraq birlikdə öhdəsindən gəlməyin də xoşbəxtliyini yaşayırıq. Bir neçə gün öncə şəhidlər oldu. Azərbaycanın kədəri bizim kədərimizdir! Sizin şəhidiniz, bizim şəhidimizdir! Dövlətim və öz adımdan şəhidlərimizin ailəsinə başsağlığı verirəm. Əldə edilən zəfər də bizim ortaq zəfərimizdir. Ölkə olaraq sizinlə qürur duyuruq! Konsertimdə "Qarabağ Azərbaycandır!" deyən dostlarımızın sevgisini göstərmək üçün burdayam. Bu gecəni konsert kimi deyil, görüş kimi dəyərləndirirəm".

Qeyd edək ki, Ferhat Göçer konsertində sevilən mahnılarını səsləndirib. Konsertin təşkilatçısı "Anadolu Events" şirkətidir.