Mələkxanım rəssam qızının nişanlanmasından danışdı

Xalq artisti Mələkxanım Əyyubova rəssam qızı Nəzrin Nəcəfovanın nişanlanması haqqında danışıb.

Teleqraf.com xəbər verir ki, Mələkxanım Əyyubova qızı Nəzrin Nəcəfova ilə Mərdan Kazımovun bir-birini sevdiyini açıqlayıb:

"Onlar bir-birini seviblər. Hər bir ailə sevgi üzərində qurulmalıdır. Sevgisiz qurulan ailə çox davam etmir. Mənə sual verirdilər ki, övladlarınız kimi istəsə razılıq verərsinizmi?

Hər zaman cavab verirdim ki, o işə heç vaxt qarışmaram. Valideyn yalnız yol göstərə, istiqamət verə bilər. Amma həqiqətən də iki gənc bir-birini sevərsə, müdaxilə etmək olmaz".