Tünzalə Ağayeva "Dream fest"in qırmızı xalısında...

Xalq artisti Tünzalə Ağayeva “Dream fest”də iştirak edib.

Teleqraf.com xəbər verir ki, pop ulduz təqdirəlayiq addım ataraq qırmızı xalıdan məhz fiziki məhdudiyyətli insanlarla keçib.

Füsünkar görünən sənətçi qırmızı xalı üçün mavi geyim seçib.

Jurnalistlərin suallarını cavablandıran ifaçı fikirlərini dilə gətirib: “Bu gün tək deyiləm. İstədim ki, cəmiyyətimiz tək ulduzlarımızı yox, həm də həyatımızın əsas ulduzlarını görsünlər. Elə məhz buna görə də qərara gəldim ki, “Dream fest”in qırmızı xalçasından tək keçməyim, yanımda Nicatla Hüseyn olsun. Onlar çox istedadlıdırlar. Nə qədər ki, səhnədəyəm, mən daim onların yanında olacam. Bu da cəmiyyətə bir mesaj olsun. Biz hamımız eyniyik, uğurluyuq. Fərqi yoxdur necə dünyaya gəlmişik. Allah hər birimizin yolunu açıq etsin”.