Ceyran Rəhimova yeni verilişindən danışdı: "Bayağılıq..."

Tanınmış aparıcı Ceyran Rəhimova MTV Azərbaycan kanalında aparıcılıq fəaliyyətinə başlayır.

Aparıcı Teleqraf.com-a açıqlamasında verilş haqqında məlumat verib:

"Veriliş yeni televiziya mövsümündə efirdə yayımlanacaq. Musiqi formantında proqram olacaq. Verilişin adı "Sən bir nəğmə"dir və həftədə bir dəfə yayımlanacaq. Müəyyən fasilədən sonra efirə qayıtmağıma baxmayaraq həyəcan keçirmirəm. Verilişin məqsədi əsl sənətə və sənətkara dəyər verməkdir. Bayağılıq olmayacaq.

Tamaşaçı və yeni yetişən nəslin musiqi zövqünü korlamaq olmaz. Necə ki mən də öz musiqi zövqümü korlamadım. Verilişə sənətkarlar dəvət ediləcəklər".

Qeyd edək ki, “Sən bir nəğmə” verilişi Ceyran Rəhimovanın müəllifliyi və aparıcılığı ilə əvvəllər AzTV-də yayımlanıb.