“Facebook”un auditoriyası 9 faiz yüksəldi

“Facebook” sosial şəbəkəsində istifadəçilərin məlumat itkisi ilə bağlı bir sıra skandallara baxmayaraq, onun auditoriyası yüksəlməyə davam edir.

Teleqraf.com xəbər verir ki, 2018-ci ilin dördüncü rübü üzrə hesabata görə, hər gün 1,52 milyarddan çox istifadəçi “Facebook” sosial şəbəkəsindən istifadə edir ki, bu da ötən illə müqayisədə 9% daha çoxdur. Həmçinin ay ərzində 2,32 milyard istifadəçi ən azı bir dəfə sözügedən sosial şəbəkədən istifadə edir ki, bu da ötən illə müqayisədə 9% çoxdur.

Təxminən 2,7 milyard nəfər hər ay “Facebook”, “Instagram”, “WhatsApp” və ya “Messenger”dən istifadə edir.