9 İyun 21:26

Çinin texnologiya nəhəngi "Huawei Technologies" şirkəti 5G xidmətləri üçün 30 ölkə ilə 46 kommersiya müqaviləsi imzalayıb

Teleqraf.com xəbər verir ki, şirkət 5-ci nəsil mobil rabitə şəbəkəsi xidmətlərinin göstərilməsi üçün indiyədək 100 mindən çox baza stansiyası satıb. Çin şirkəti bu göstərici ilə dünyada liderdir.

Şirkətin yaydığı məlumatda bildirilir ki, "Huawei" 5G texnologiyaları üzrə böyük uğurlar qazanıb. Şirkət ötən ilin fevralında dünyada ilk 5G mobil əlaqəsini də həyata keçirib.

Baş ofisi Çinin cənubundakı Şencen şəhərində yerləşən "Huawei" dünyada telekommunikasiya avadanlığı istehsalı üzrə lider şirkət olmaqla yanaşı, qlobal smartfon istehsalında da ilk üçlükdə qərarlaşıb.


Müəllif: Teleqraf.com