22 Aprel 13:59
1 486
12 Punto 14 Punto 16 Punto 18 Punto

ABŞ-nin Milli Kosmos Agentliyi (NASA) Yupiterin peyki İonun səthində nəhəng lava gölü aşkar edib.

Teleqraf.com xəbər verir ki, yaxından çəkilmiş fotoşəkil 2023-cü ilin dekabrı - 2024-cü ilin yanvarında İonun vulkanik səthindən 1500 km məsafədə uçan NASA-nın “Juno” kosmik aparatı tərəfindən çəkilib.

Missiya Yupiterin ən böyük peykini ən yaxın məsafədən müşahidə etməyə imkan verib. İoda yüzlərlə aktiv vulkan var. NASA-nın məlumatına görə, püskürmələr bəzən o qədər güclü olur ki, Yerdən teleskoplarla görmək mümkündür.

Yeni şəkillərdə İonun səthində 200 km uzunluğunda Loki Patera adlı lava gölünün təsviri yer alır. Elm adamları gölü onilliklər ərzində müşahidə edirdilər. İo səthinin altındakı maqma laylarının üstündə oturur. “Juno” şirkətinin baş tədqiqatçısı Skott Bolton gölün mərkəzindəki donmuş lavanın kənarlarında ərimiş maqma ilə əhatə olunduğunu ehtimal edir.

“Gölün görüntüsü deməyə əsas verir ki, İonun səthinin bir hissəsi şüşə kimi hamardır və Yerdəki vulkanik obsidianı xatırladır”, - elm adamı bildirib.

“Juno” müəyyən edib ki, İonun səthi Yupiterin digər üç peykindən (Avropa, Qanimed və Kallisto) daha hamardır. İo Yerin peyki Aydan bir qədər böyükdür və səthin əriməmiş sahələri əsasən sarı kükürd və kükürd dioksidi ilə örtülüb.


Müəllif: Mənsur Rəğbətoğlu