Marsda həyat izləri: Böyük plan açıqlandı

“SpaceX” şirkəti qarşıdakı iki il ərzində Marsa təxminən beş pilotsuz “Starship” missiyasını həyata keçirməyi planlaşdırır.

Teleqraf.com xəbər verir ki, bu barədə amerikalı iş adamı, sözügedən şirkətin sahibi İlon Mask məlumat verib.

Mask qeyd edib ki, ilk insanlı missiyanın vaxtı pilotsuz uçuşların uğurundan asılı olacaq. Əgər pilotsuz missiyalar təhlükəsiz olarsa, pilotlu missiyalar dörd ildən sonra baş verəcək. Amma problemlər yaranarsa, missiya daha iki il təxirə salınacaq.

İş adamı əlavə edib ki, Yerdən Marsa səyahət yalnız iki ildən bir, planetlər düzüldükdə mümkündür. Bu, missiyanın çətinliyini artırır, həm də Mars üçün Yerdəki bir çox fəlakətli hadisələrdən immunitet rolunu oynayır.

Mask ilin əvvəlində ilk pilotsuz kosmik gəminin beş il, ilk insanların isə yeddi il ərzində Marsa enəcəyini açıqlamışdı.

Mask “Starship”dən bu onilliyin sonunda Ay və Marsa insanları və yükləri göndərə bilən böyük, çoxfunksiyalı, yeni nəsil kosmik gəmi yaratmaq məqsədini yerinə yetirəcəyini gözləyir.

NASA-nın “Perseverance” roveri də Marsda yeni çətin tapşırığı həll edir. Missiya elm adamlarına planetdə həyatın ehtimal olunan izlərini tapmağa kömək edəcək nümunələr toplayır. Tədqiqat zamanı rover təxminən 29 kilometr yol qət edib.