İranın Qarabağ münaqişəsinin həllinə dair layihə hazırladı

İranın Dağlıq Qarabağ münaqişəsinin həllinə dair hazırladığı layihə yaxın vaxtlarda təqdim olunacaq.

Teleqraf.com xəbər verir ki, bunu İranın Xarici İşlər naziri Məhəmməd Cavad Zərif ölkə parlamentinin Xarici siyasət və milli təhlükəsizlik komissiyasında Dağlıq Qarabağla bağlı keçirilən müzakirələrdə deyib.

XİN başçısı bildirib ki, onun müavini Azərbaycan-Ermənistan münaqişə bölgəsinə baxış üçün Şərqi Azərbaycan əyalətinə səfər edib, Xudafərin səddinə baxış keçirib. O, Bakı, Moskva, İrəvan və Ankaraya səfər edəcək.

Cavad Zərif qeyd edib ki, ölkə rəsmiləri tərəfindən təsdiqlənən layihə haqda Bakı, Moskva, İrəvan və Ankarada danışıqlar aparılacaq.