Separatçılar təlimlərə başlayır - Xocalı cəlladı rəhbərlik edəcək

Qarabağın dağlıq hissəsindəki separatçıların “təhlükəsizlik şurasının rəhbəri” Vitali Balasanyanın təşəbbüsü ilə fevral-may aylarında atəş hazırlığı üzrə təlimlər keçiriləcək.

Teleqraf.com xəbər verir ki, bu barədə Ermənistan mətbuatı məlumat yayıb.

Təlimlərdə məqsədin qondarma respublikanın sakinlərinin (separatçıların - red.) hərbi bacarıqlarını təkmilləşdirmək olduğu bildirilib.

Təlimlərin separatçı birləşmələrin maddi-texniki təminatı əsasında həyata keçiriləcəyi deyilib.

Vitali Balasanyan azərbaycanlılara qarşı törədilmiş Xocalı soyqırımının müəlliflərindən biridir.