Öldürdüyü adamları yeyən manyak həbs edildi

ABŞ-ın Florida ştatında öldürdüyü adamları yeyən manyak həbs edilib. Teleqraf.com xəbər verir ki, 50 yaşlarında ər-arvadı öldürən 19 yaşlı tələbə qadının üzünü yeyərkən yaxalanıb.

Polis rəisi Villiam Snader bildirib ki, bu, gördüyü qətllərin ən dəhşətlisi olub: "Bu günə qədər yüzlərlə qətl hadisəsi görmüşəm, amma beləsilə ilk dəfədir ki, rastlaşıram".

Florida Dövlət Universitetinin tələbəsi olan 19 yaşlı oğlanın narkotik maddələrin təsiri altında cinayət törətdiyi bildirilir.

Xəstəxanaya aparılan şübhəlinin heyvan səsləri çıxarması diqqət çəkib.

Faktla bağlı araşdırma aparılır.