16 Aprel 2017 17:58
2 051
12 Punto 14 Punto 16 Punto 18 Punto

Digər canlılardan fərqli olaraq insanlar ömürlərini cütlük halında başa vururlar. Alimlər qadın və kişinin bir yerdə yaşamaq məcburiyyətinin səbəbini tapıbılar.

Teleqraf.com BBC-yə istinadən xəbər verir ki, Oxford Universitetində hesablama neyrobioluqu doktor Anders Sandberg iddia edir ki, insanların aşiq olmaq xüsusiyyəti insan körpələrinin tamamilə köməksiz olması ilə
bağlıdır.

O izah edir ki, məsələn, atın balası doğulan kimi dörd ayağı üstündə dayanır, amma insanın körpəsi tamamilə acizdir.

"Məhz buna görə də təkamül baxımından insanlar övladlarının sağ qalması naminə bir yerdə yaşamağa məcburdurlar, - deyib alim, - İki nəfərdən ibarət sistem oyunu da burdan
qaynaqlanır".

Aşiq olmaq və ya vurulmaq sadəcə olaraq beynin dopamin sisteminin oksitosin və vazopressin maddələrini istehsal etməsi nəticəsində yaranır. Bu bir növ stimulyator, dopinq və ya coşdurucu qəbul etmək kimidir.

Buna görə də doktor Sandberg inanır ki, gələcəkdə sevgi iksirini hazırlamaq mümkün olacaq. Onun fikrincə buna oksitosin, vazopressin və CPH maddəsini (karboksipeptidaza) qarışdırmaqla nail olmaq mümkündür.

Bundan sonra bu qarışıq beynin lazımi nahiyəsini təsirləndirməlidir. Bu zaman beynin alın payında gedən təbii proses imitasiya olunacaq. Müəyyən bir kəslə birlikdə olmaq istəyimiz məhz burada formalaşır.

Doktor Sanders deyir ki, elmi tədqiqatın hazırkı surətini nəzərə aldıqda "sevgi iksirinin" qarşıdan gələn on ildə hazır olacağını söyləmək olar. Lakin buradan belə bir ziddiyyət də ortaya çıxa bilər ki, sizi sevməyən bir adama sevgi iksiri içirtməyiniz hüquqi baxımdan zorlama kimi də qiymətləndirilə bilər.

Doktor Sanders deyir ki, o məsələyə əks tərəfdən baxır. O düşünür ki, bu iksir iki insan arasında münasibətlərin başlanğıcı üçün yox, əksinə, artıq mövcud olan birgəliyin davam etdirilməsi üçün daha çox lazımdır.

"Məsələn bir adamı əvvəlcə sevirsiniz, amma zaman geçdikcə bu məhəbbət öləziyə bilər, - deyir Sandberg, - Sevgi iksiri bizə ölməkdə olan məhəbbətimizi diriltmək üçün zəruridir".


Müəllif: