Google-dan keçmiş sevgililər üçün proqram

Oktyabrın 28-də Google şirkəti 1.8 versiyasına qədər Google Photos proqram əlavəsinin yenilənməsini buraxıb.

Teleqraf.com buro247-yə istinadən xəbər verir ki, bu əlavə istifadəçiyə albomlarında görmək istəmədiyi insanların fotolarını gizlətməyə imkan verir.

Yenilənmiş Google Photos tətbiqetməsi bir çox Android-smartfonlarda şəkillərə baxmaq üçün əsas vasitə olaraq istifadə olunur, bu isə müəyyən insanların fotolarını avtomatik şəkildə gizlətməyə imkan verir. Bu düyməni seçsəniz, istəmədiyiniz kadrlar "İnsanlar" bölməsində görünməyəcək, eləcə də "Bu günü yada sal" kartlarında nümayiş olunmayacaq.

Qeyd edək ki, oktyabrın 13-də Facebook sosial şəbəkəsi "Keçmişdə bu gün" funskyasına dəyişiklik edərək, istifadəçilərə müəyyən tarixlərdə və müəyyən insanlarla çəkilmiş şəkillərin təkrar olaraq nümayişini qadağan etməyə imkan verib.

Rüstəm