İki uşaq anası evdən qaçdı, sevgilisini güllələdi

Türkiyənin Giresun şəhərinin Güce rayonunda cinayət hadisəsi baş verib.

Ailəli olan 30 yaşlı Filiz G. birlikdə qaçdığı sevgilisini güllələyib. Filiz G. qohumu Muammer Y. ilə qaçaraq birlikdə yaşayıb. Sonra o, peşman olaraq atasının evinə qayıdıb.

Deyilənlərə görə, 4 gün əvvəl yenə həmin adamla barışıb qaçan Filiz G. naməlum səbəbdən yaranan mübahisə nəticəsində Muammer Y.-ni öldürüb. O, polislər tərəfindən saxlanılıb.

Faktla bağlı cinayət işi açılıb. Araşdırma aparılır.

Qeyd edək ki, Muammer Y. nin əvvəllər 36 ay məhkumluq həyatı yaşadığı məlum olub. Filiz G.nin iki uşağı var.(milli.az)