ABŞ-da mal-qaranı yeyən nəhəng öldürüldü - FOTO

ABŞ-da ovçu mal-qarasını yeyən 360 kq ağırlığında alliqatoru necə vurması barədə BBC-ə danışıb.

Teleqraf.com BBC-yə istinadən xəbər verir ki, peşəkar ovçu olan Lee Lightsey deyib ki, 4,5 metr uzunluğu olan yırtıcı son 18 ildə onun rastlaşdığı ən böyük alliqatordur. Ovçunun sözlərinə görə, alliqatoru tərpətmək üçün traktora ehtiyacı olub.

Cənab Lightsey və bələdçi Blake Godwin alliqatoru mal-qaranın olduğu gölməçələrdə tapıblar. Onlar alliqatoru təxminən 6 metr məsafədən vurublar.

“Görünür o, mal-qaranı mənim fermamda yeyib. Çünki biz heyvanların bədən hissələrini suda tapmışıq. Bu yırtıcını təmizləmək lazım idi,” cənab Lightsey deyib.
Onun şirkəti alliqator ovunu həyata keçirir. Onlar 4 metrdən uzun alliqatorları öldürməyə görə 10 min dollar, ondan kiçiklər üçünsə 4,500 dollar istəyirlər. “Biz həmişə onlara əzab vermədən, yaralamadan öldürürük,” o deyib.

Amerika timsahları ABŞ-ın cənub-şərqində məskunlaşıblar. Cənubi Florida dünyada yeganə yerdir ki, alliqatorlar və timsahlar çay, göl və bataqlıqlarda birgə yaşayırlar.

Cənab Lightsey deyir ki, alliqatorun əti xeyriyyə məqsədilə veriləcək, bədəni isə doldurulacaq. Bu xəbəri paylaş Paylaşma haqqında