Zaxarova: Moskvada "Artsax"ın heç bir nümayəndəliyi yoxdur

Moskvada "Artsax Respublikası"nın heç bir nümayəndəliyi yoxdur.

Teleqraf.com xarici mediaya istinadla xəbər verir ki, bu sözləri Rusiya Xarici İşlər Nazirliyinin nümayəndəsi Mariya Zaxarova bu gün keçirdiyi brifinqdə deyib.

O bildirib ki, Albert Andryan isə Ermənistanın Moskvadakı səfirliyinin nümayəndəsi kimi Rusiya XİN-də qeydiyyatdan keçib.

Zaxarova Dağlıq Qarabağ rejiminin başçısı Bako Saakyanın ABŞ-a səfərini də şərh edib.

O, "Bako Saakyanın gələcəkdə Moskvaya səfərinin mümkünlüyünü necə görürsünüz" sualına belə cavab verib:

"Məndə belə bir səfərlə bağlı heç bir məlumat yoxdur. Biz mövcud razılaşmalar çərçivəsində Dağlıq Qarabağ münaqişəsinin nizamlanması üzrə bütün öhdəliklərimizə sadiqik və bu çox mürəkkəb problemin həllində kömək etməyə çalışırıq".