“Əzikliyi qırağa atmaq lazımdır” – Himnlə bağlı təklifə kəskin reaksiya

Politoloq Erkin Qədirli Azərbaycan himninin dəyişdirilməsi ilə bağlı gedən müzakirələrə münasibət bildirib.

Teleqraf.com xəbər verir ki, o, 1 əsrlik tarixi olan Azərbaycan himninin dəyişdirilməsinin əleyhinə olduğunu diqqətə çatdırıb.

Erkin Qədirli deyib:

“Fransanın himni bizim himnimizdən də uzundur, sözləri də bizimkindən daha ağırdır. Azərbaycan himnində “səndən ötrü qan tökməyə cümlə qadiriz” sözlərinə qarşı çıxanların, fransızların öz himnlərində sevgiylə, çoşquyla oxuduqları bu sözlərdən xəbərləri varmı?

Yürüyək, gedək,
Bu çürümüş qanla
Tarlalarımızı sulayaq.

Milli əzikliyi qırağa atmalı, millətimizlə öyünməyi öyrənməliyik. Bunsuz heç nə qura bilməyəcəyik”.

Qeyd edək ki, deputat Tahir Kərimli Azərbaycan himninin dəyişdirilməsini təklif edib. Himnimizin uzun və ağır olduğunu bildirən deputatın səsləndiriyi fikirlər etirazlara səbəb olub.