Tibbi maskalarda həqiqətən qurd varmı? - Professor açıqladı

Dünəndən sosial mediada tibbi maskalarda qurd olduğunu iddia edən videolar yayılıb. Yayılan görüntülər insanlarda təşviş və inanmsızlığa səbəb olub.

Məsələ ilə bağlı Teleqraf.com-a açıqlama verən Adil Qeybulla bildirib ki, yayılan görüntülər təxribat xarakterlidir:

“Sosial şəbəkələrdə mənasız, yalan, insanları çaşdıran fikirlər yayılır. Nanotexnologiyaya aid məsələdir, biologiya ilə əlaqəli deyil. Nanotexnologiyanın buna nə aidiyyəti var? Nano qurd nə deməkdir? O dərəcə səfeh informasiyalar gəzir ki... Ola bilər maskada molekullar olsun.

Bunlar həmişəki kimi insanlarda çaşqınlıq yaratmaq üçün yayılan məlumatlardandır”.