5 Dekabr 2017 08:41
1 853

Reyhan Camalova dünyada karbohidrogen ehtiyatlarının, neftin, qazın get-gedə tükəndiyi bir zamanda adicə yağışdan, Bakının küçələrinə, yollarına, prospektlərinə yağaraq oranı keçilməz gölməçəyə, selə, nohura çevirən su damlalarından enerji almağı bacarıb.

Teleqraf.com xəbər verir ki, bu qızın böyük audotoriyaya təqdim etdiyi 22 led lampanı işıqlandıran 22 vatlıq kiçicik protativ cihaz daha böyük layihələri həyata keçirmək istəyən azman investorların, nəhəng yatırım şirkətlərinin diqqətini belə cəlb edib.

Yağış enerjisindən günəşsiz, yağmurlu havada fotoelektrik batareyalar köməksiz vəziyyətə düşdükdə yararlanmaq mümkündür. İş prinsipi elə də qəliz deyil.

Məsələn, yağış suyu plastik lövhənin üzərinə tökülür, dəyib-qalxan damcı effektindən elektrik cərəyanı yaranır. Burada damcıların tezliyindən, sürətindən və toplayıcı lövhənin diametrindən çox şey asılıdır. Həm də, hər bir hamar səth, evlərin damları, küçələr, yollar, hətta insanlar belə enerjitoplayıcı funkisya yerinə yetirə bilərlər.


Müəllif: Vüsal Bağırlı