8 Avqust 2014 12:20

Əmək və Əhalinin Sosial Müdafiəsi Nazirliyi (ƏƏSMN) 32 nəfər Böyük Vətən müharibəsi, 23 nəfəri Çernobıl AES və 45 nəfəri hərbi xidmət əlili olan ümumilikdə 100 nəfər əlilliyi olan şəxsə “Naz-Lifan” markalı minik avtomobili təqdim edib.

Bu barədə Teleqraf.com-a nazirliyin ictimaiyyətlə əlaqələr şöbəsindən məlumat verilib.

Təqdimatda bildirilib ki, cari ilin aprelindən bəri 677 nəfər Qarabağ müharibəsi və 20 Yanvar əlilinə, hazırda təqdim olunan avtomobillər də daxil edilməklə 623 nəfər Böyük Vətən müharibəsi əlili və onlara bərabər tutulan şəxsə, beləliklə, 2014-cü ilin əvvəlinədək xüsusi tibbi arayış əsasında növbəyə dayanmış əlilliyi olan şəxslərdən artıq 1300 nəfərinə minik avtomobilləri verilib. Cari ilin əvvəlinədək növbədə olan digər şəxslərə də bu ayın sonunadək avtomobil verilməsi nəzərdə tutulur.

İndiyədək qeyd olunan təbəqələrdən olan 5106 nəfər əlilliyi olan şəxsin dövlət hesabına xüsusi nəqliyyat vasitəsi ilə təmin edildiyi vurğulanaraq, müharibə əlilləri və şəhid ailələrinin mənzil-məişət şəraitinin yaxşılaşdırılmasının da daim ölkə rəhbərinin diqqət mərkəzində olduğu bildirilib. Qeyd olunub ki, ölkə başçısının müvafiq sərəncamına əsasən, 2014-cü ilədək mənzil növbəsinə dayanmış, Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərin və şəhid ailələrinin, ümumilikdə 5731 nəfər əlil və şəhid ailəsinin 2014-2018-ci illər ərzində mərhələlərlə mənzil və ya fərdi evlə təmin edilməsi həyata keçiriləcək.

Naibə


Müəllif:
Загрузка...