Müsəlmanlar 1436-cı ili qeyd edir

Bu gün İslam dünyası müsəlman tarix hesabı (hicriyə) üzrə yeni - 1436-cı ili qeyd edir. Miladi təqvimlə bu il oktyabrın 25-ə təsadüf edən bayram hicrətin 13-cü ilindən - peyğəmbərin Məkkədən Mədinəyə köç etməsi dövründən hesablanır və qeyd olunur.

Teleqraf.com-un məlumatına görə, İslamda yeni ilin başlaması ilə bağlı bir sıra maraqlı adətlər vardır. Bunların bir qismi də Qəməri təqvimdə ilk ay olan Məhərrəm ayının başlaması ilə bağlıdır.

Haram aylardan sayılan bu ayda müharibələr, münaqişələr qan intiqamı, qadağan olunur. Eyni zamanda, ayın əvvəlində yeni işə başlamaq, evlilik tövsiyə edilir.

Nail Cəlil