2022-ci ilin trendi: Bu dırnaq rəngləri...

2021-ci il dırnaqların ön planda olduğu il kimi yadda qalacaq. Keçən il ərzində dırnaqlarımızda kifayət qədər təcrübə apardıq. Çoxlu dırnaq lakı rənglərindən tutmuş qeyri-adi dizaynlara və saxta dırnaqlara qədər bir çox manikür trendlərini müşahidə etdik. Bəs, 2022-ci ildə hansı dırnaq boyası rəngləri önə çıxır?

Teleqraf.com xəbər verir ki, bu il əsas 2 ton dırnaq boyası trend olacaq.

Günəş tonları

2022-ci ildə bizə sevinc gətirən rənglər ön plana çıxacaq. Qızıl, bürünc, kəhrəba və marigoldlar bu il bir çox dizaynerlərin kolleksiyalarında üstünlük təşkil edəcək. Həm də dırnaqlarda çox iddialı və ürəkaçan bir görüntü verəcək.

Neytral tonlar

2021-ci ildə üstünlük təşkil edən maksimalist dırnaq dizaynlarından tamamilə fərqli olaraq, şəffaf və zamansız neytral tonlar bu ilə öz damğasını vurur. Təmiz kütiküllər dəri tonunuzu tamamlayan nazik şəffaf çılpaq təbəqə 2022-ci ildə əvəzolunmaz olacaq.