Gəncədə Qafqaz İslam Ordusuna abidə ucaldıldı

Gəncədə Qafqaz İslam Ordusunun bu şəhərdəki ilk şəhidlərinin xatirəsinə abidə ucaldılıb.

Teleqraf.com xəbər verir ki, bu barədə Türkiyənin Gəncədəki Baş konsulluğu məlumat yayıb.

İyunun 26-da - Azərbaycan Silahlı Qüvvələr Günündə abidənin açılışı olacaq.

Xatırladaq ki, abidənin təməlqoyma mərasimi ötən ayın 12-də baş tutub.

Qeyd edək ki, Qafqaz İslam Ordusu əsasən Anadolu və Azərbaycan türklərindən ibarət olan hərbi birləşmə olub. Bu ordu Azərbaycan Cümhuriyyəti və Osmanlı İmperiyası arasında imzalanan dostluq haqqında razılaşmaya əsasən Azərbaycanda asayiş və təhlükəsizliyi təmin etmək məqsədilə yaradılıb.