Erməni terroru nəticəsində çox sayda mülki insan ölüb - Spiker

Birinci və ikinci Qarabağ müharibəsi zamanı Azərbaycanın dinc sakinləri öldürülüb.

Teleqraf.com xəbər verir ki, bunu Milli Məclisin bügünkü iclasında spiker Sahibə Qafarova deyib.

O qeyd edib ki, 2020-ci ilin oktyabrın 17-də müharibə meydanından kənarda olan Gəncə şəhəri ballistik raketlərdən atəşə tutulub:

“Ermənistanın dövlət terrorizmi nəticəsində çox sayda mülki insan ölüb. Gəncəyə 5 raket hücumu olub. Dünən Gəncədə anım mərasimləri, beynəlxalq konfrans keçirilib”.

“Biz terrorizm nəticəsində dünyasını dəyişən vətəndaşlarımıza Allahdan rəhmət, yaralılara şəfa diləyirik”, - Sahibə Qafarova bildirib.