MSK-nın iclası keçirilir

Mərkəzi Seçki Komissiyasının (MSK) iclası keçirilir.

Teleqraf.com xəbər verir ki, əvvəlcə komissiyanın 16 avqust 2022-ci il tarixli iclas protokolu təsdiqlənib.

Sonra MSK-nın normativ xarakterli aktlarına dair məsələ müzakirə edilib.

MSK-nın katibi Arifə Muxtarova bildirib ki, ötən müddət ərzində Təhsil Nazirliyinin və Ədliyyə Nazirliyinin Qeydiyyat və Notariat Baş İdarəsinin adları dəyişdirildilib. Belə ki, Təhsil Nazirliyi Elm və Təhsil Nazirliyi, Qeydiyyat və Notariat Baş İdarəsi isə Ədliyyə Sahəsində Xidmətlər Baş İdarəsi adlandırıldığı üçün MSK-nın normativ xarakterli aktlarının buna uyğunlaşdırılması zəruridir.

Daha sonra buna bənzər normativ xarakterli bir sıra məsələlər müzakirə edilərək qəbul edilib.