Nazirlik 20 Yanvar faciəsinin ildönümü ilə bağlı tədbirlər planını təsdiqləyib

Rabitə və Yüksək Texnologiyalar Nazirliyinin Aparat rəhbəri Vidadi Zeynalov 20 Yanvar faciəsinin 25-ci ildönümünün keçirilməsi haqqında RYTN-in Tədbirlər Planını təsdiqləyib.

Teleqraf.com xəbər verir ki, Tədbirlər Planına əsasən, rabitəçi şəhid ailələrinə yardımların edilməsi, “Rabitə dünyası” qəzetində və rabitə müəssisələrinin elan tablosunda rabitəçi şəhidlər haqqında geniş məlumatın verilməsi, eləcə də Rabitə və Yüksək Texnologiyalar Nazirliyində şəhidlər haqqında guşənin yaradılması nəzərdə tutulur.

Bunlarla yanaşı, matəm günü ilə əlaqədar rabitə müəssisələrində yığıncaqlar keçiriləcək, yanvarın 20-də RYTN və rabitə müəssisələri işçiləri Şəhidlər Xiyabanını ziyarət edəcək.

İLHAMƏ