FHN əməkdaşları Heydər Əliyev mərkəzlərində - Foto

Fövqəladə Hallar Nazirliyi Dövlət Yanğın Nəzarəti Xidmətinin Sumqayıt və Aran Regional Dövlət Yanğın Nəzarəti idarələrinin əməkdaşlarından ibarət növbəti qrupların müvafiq olaraq Sumqayıt və Yevlax şəhərlərində fəaliyyət göstərən Heydər Əliyev mərkəzlərinə ekskursiyaları təşkil olunub.

Teleqraf.com xəbər verir ki, “Heydər Əliyev İli” çərçivəsində reallaşan ekskursiyalarda əməkdaşlara mərkəzlərin fəaliyyəti barədə ətraflı məlumat verilib.

Ekskursiyalar zamanı əməkdaşlar həmin mərkəzlərdə fəaliyyət göstərən Heydər Əliyev muzeylərini də ziyarət ediblər. Ziyarətçilər orada Ümummilli Liderin zəngin və mənalı ömür yolunu əks etdirən eksponatlarla, Ulu Öndərin siyasi irsini təbliğ edən əyani vəsaitlərlə tanış olublar.