19 Aprel 09:50
744
12 Punto 14 Punto 16 Punto 18 Punto

Elm və Təhsil Nazirliyi tender müsabiqəsi keçirmədən AMEA-nın keçmiş prezidenti Ramiz Mehdiyevin nazir müavini olan general oğluna məxsus şirkətlə 2 milyon manatlıq satınalma müqaviləsi imzalayıb.

Teleqraf.com xəbər verir ki, bunu iqtisadçı Allahverdi Aydın Feysbukda yazıb.

“Ramiz Mehdiyev AMEA prezidenti olanda oğlunun şirkətinə 10,4 milyon manat pul köçürüb və qarşılığında heç bir iş görülməyib. Hesablama Palatası da bununla bağlı Baş Prokurorluğua müraciət edib ki, burda cinayət əməli olduğu üçün tədbir görsünlər. “Dövlət satınalmaları haqqında” Qanunun 15.1 maddəsində açıq şəkildə göstərilir ki, məxfi məlumatlar istisana olmaqla bütün dövlət satınalmaları yalnız portal vasitəsi ilə həyata keçirilir.

Elm və Təhsil Nazirliyi cavab versin görək ki, dərslik çap etmək nə zamandan məxfi məlumat olub? Yaxud, cavab versinlər görək, 2 milyonluq satınalma üçün niyə tender müsabiqəsi keçirilməyib? Axı Qanunun 49-cu maddəsində bir mənbədən satınalma metodunun hansı hallarda tətbiq olunacağı açıq şəkildə qeyd olunub”, – deyə iqtisadçı qeyd edib.


Müəllif: Teleqraf.com