Regionda ilk dəfə sterotoksik laparoskopik əməliyyatı Bakıda keçirilib

Dövlət Sərhəd Xidmətinin (DSX) hərbi hospitalında Olymrus 190-eksera aparatı vasitəsi ilə, 3D texnologiyası əsasında xüsusi eynək və alətlərdən istifadə etməklə regionda ilk dəfə sterotoksik laparoskopik əməliyyat – öd kisəsinin çıxarılması uğurla həyata keçirilib.

DSX-nın mətbuat xidmətindən Teleqraf.com-a verilən məlumata görə, 3D texnologiyasının hərbi hospitalda tətbiqi dünyanın qabaqcıl dövlətlərinin səhiyyə müəssisələri ilə uğurlu əməkdaşlığının nəticəsidir.

Bildirilib ki, hospitalda həmçinin ölkədə ilk dəfə olaraq 2008- ci ilin iyun ayında laparoliftinq üsulu ilə laparoskopik xolesistektomiya əməliyyatı, 2013- cü ilin yanvar ayında isə tək kəsikdən laparoskopik öd kisəsinin çıxarılması əmliyyatı icra olunub.

Naibə QURBANOVA