"Azerspace-1"də daha çox hansı kanallar yayımlanır?

Hazırda Azərbaycanın ilk peyki – "Azerspace-1" vasitəsilə 121 kanal yayımlanır.

Bu barədə Teleqraf.com-a "Azərkosmos" ASC-dən məlumat verilib. Bildirilib ki, onlardan 108-i televiziya və 13-ü isə radio kanalıdır. Televiziya kanallarından 16-sı yerli televiziya kanalı olmaqla, türk, rus, gürcü kanalları üstünlük təşkil edir.

"Azərkosmos" ASC bildirir ki, hər bir kəs "Azerspace-1" peyki üzərindən yayımlanan kanalların ümumi siyahısını çox asanlıqla nəzərdən keçirə bilər. Kanalların hər biri ASC-nin rəsmi saytında yerləşdirilib.