Suraxanı sakini dənizdə batdı

Bakının Suraxanı rayonunda bir nəfər dənizdə batması barədə məlumat yayılıb.

Teleqraf.com Fövqəladə Hallar Nazirliyinin rəsmi internet səhifəsinə istinadən xəbər verir ki, rezin qayıqla dənizə balıq tutmaq məqsədilə çıxmış 1 nəfər (ən yaxınlıqdakı xilasetmə postundan 700 m aralı, nəzarətsiz ərazidə) qayığın çevrilməsi nəticəsində batıb.

Nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, dərhal FHN-nin dalğıc-xilasediciləri həmin əraziyə cəlb olunub.

Axtarış-xilasetmə işləri davam etdirilir. Əlavə məlumat veriləcək.

Hacı Zeynalov