“Bank kreditinə görə intihar halları çoxalıb”

Kliniki Tibbi Mərkəzin toksikologiya şöbəsinin müdiri Azər Maqsudov bildirib ki, fevral ayından bank kreditini ödəyə bilmədiyi üçün intihar edənlərin sayında artım qeydə alınıb.

Teleqraf.com-un məlumatına görə, o, qeyd edib ki, fevral ayından bəri 18 nəfər intihara cəhd edib. Fevral ayında 6 nəfər mərkəzə gətirilib: "Onlardan 2-nin həyatını xilas etmək mümkün olmayıb. Mart ayında 8 nəfər, aprel-may ayları ərzində cəmi 4 müraciət daxil olub".

Hazırda bank krediti problemi olanların intiharı ilə baǧlı müraciətlərin azaldıǧını deyən baş toksikoloqun sözlərinə görə, intihar edənlər əsasən sirkə turşusu içiblər.

İlhamə ƏBÜLFƏT