Sabunçuda oğrular qardaş çıxdı

Bakının Sabunçu rayonunda oğurluq edən şəxslər həbs olunub.

Teleqraf.com xəbər verir ki, iyunun 21-nə keçən gecə Sabunçu rayonunun Bakıxanov qəsəbəsində yaşayan Vahid Məmmədovun evindən pəncərədən girmək yolu ilə oğurluğa cəhd göstərilib. Sabunçu rayon Polis İdarəsinin 13-cü polis bölməsi əməkdaşlarının əməliyyat-axtarış tədbirləri nəticəsində hadisəni törətmiş qəsəbə sakini Ruslan Hüseynov tutulub.

Aparılmış əməliyyat tədbirləri ilə onun qardaşı Ələkbər, Bakı şəhər sakinləri Əliyusif Fərəcov, Əlvan Zeynalov və onun qardaşı Orxanla birgə mayın 9-dan iyunun 20-dək olan müddətdə K.Əliyevə, Ş.Məmmədzadəyə və N.Bağırova məxus pul və qızıl əşyaları, habelə iyunun 16-da Məhəmməd Bədəlovun evindən 350 manat və 100 ABŞ dolları pul oğurlamaları da müəyyən edilib.

Həyata keçirilmiş əməliyyat-axtarış tədbirləri ilə Ələkbər Hüseynov, Əliyusif Fərəcov, Əlvan Zeynalov və Orxan Zeynalov tutulublar.

Hacı Zeynalov