Quldur əmioğlular məhkəmə qarşısında

Bu gün Bakı Ağır Cinayətlər Məhkəməsində quldurluqda təqsirləndirilən Natiq İbadov və əmisi oğlu Orxan İbadovun cinayət işi üzrə məhkəmə başlayıb.

Teleqraf.com xəbər verir ki, bu il aprelin 9-da Səbail rayonunun Badamdar qəsəbəsində Şamaxı rayon sakinləri – Natiq İbadov və əmisi oğlu Orxan İbadov Bakı şəhər sakini Emin Fərzəliyevə bıçaqla hədə-qorxu gəliblər.

Onlar Emin Fərzəliyevin pulunu və mobil telefonunu alaraq qaçıblar. Əmioğluları Səbail rayon Polis İdarəsinin 41-ci polis bölməsi əməkdaşları yaxalayıb. Hər iki şəxs Cinayət Məcəlləsinin 181-ci (quldurluq) maddəsi ilə ittiham olunur.

Məhkəmənin baxış iclası noyabrın 10-na təyin edilib.

Hacı Zeynalov