Avtomobil qaçıran şəxs tutuldu

Bakının Qaradağ rayonunda avtomobil oğrusunun tutulması üçün əməliyyat keçirilib.

Teleqraf.com xəbər verir ki, Qaradağ rayon Polis İdarəsinin 38-ci polis bölməsi əməkdaşlarının keçirdikləri əməliyyat-axtarış tədbirləri nəticəsində avtomobil oğurluğunda şübhəli bilinən paytaxt sakini Adəm Həsrətli saxlanılıb.

O, fevralın 9-da Bakı şəhər sakini Yasin Qurbanova məxsus “Tofaş” markalı avtomobili qaçırmaqda şübhəli bilinir.

Həmin avtomobil Qızıldaş qəsəbəsi ərazisində tapılıb.

Faktla bağlı cinayət işi başlanıb.

Hacı Zeynalov