Zərdab polisi maşın oğrularını saxladı - 3 yeniyetmə...

Zərdab rayonunda oğurluq edən şəxslərin tutulması üçün əməliyyat keçirilib.

Teleqraf.com xəbər verir ki, noyabrın 29-da Zərdab rayon ərazisindən Çallı kənd sakini Ərzuman Aləşrəfova məxsus “Mercedes” markalı avtomobil qaçırılıb.

Zərərçəkmiş baş verən oğurluq hadisəsi ilə bağlı Zərdab rayon polis şöbəsinə məlumat verib.

Polis əməkdaşlarının keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən rayon sakinləri olan 3 yeniyetmə avtomobillə birgə saxlanılıblar.

Faktla bağlı araşdırma aparılır.