Bakı polisindən əməliyyat: 9 nəfər həbs edildi

Bakı polisi axtarışda olan şəxslərin məsuliyyətə cəlb edilməsi istiqamətində əməliyyat keçirilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Binəqədi Rayon Polis İdarəsinin 6-cı Polis Bölməsi əməkdaşlarının keçirdiyi əməliyyat tədbirləri zamanı Cinayət Məcəlləsinin 178-ci (dələduzluq) maddəsi ilə axtarışda olan, 1967-ci il təvəllüdlü Rafiq Əliyev tutulub.

Bundan başqa, daha bir əməliyyatı Qaradağ Rayon Polis İdarəsinin 11-ci Polis Bölməsinin əməkdaşları keçirib. Keçirilən əməliyyat zamanı axtarışda olan 1979-cu il təvəllüdlü Bəxtiyar Şahməmmədov həbs edilib. O, Cinayət Məcəlləsinin 306-cı (məhkəmə hökmünü icra etməmə) maddəsi ilə axtarışda olub.

Daha bir əməliyyatı Sabunçu Rayon Polis İdarəsinin 13-cü Polis Bölməsinin əməkdaşları keçirib. Cinayət Məcəlləsinin 177-ci (oğurluq) maddəsi ilə axtarışda olan 1987-ci il təvəllüdlü Xalid Kərimov saxlanılıb. Oxşar əməliyyatı Suraxanı Rayon Polis İdarəsinin 31-ci Polis Bölməsinin əməkdaşları tərəfindən keçirilib. Keçirilən əməliyyat tədbirləri nəticəsində axtarışda olan 1972-ci il təvəllüdlü Rasim Rzayev tutulub. O, Cinayət Məcəlləsinin 185-ci (talama) maddəsi ilə axtarışda olub.

Xətai Rayon Polis İdarəsinin Cinayət Axtarış Şöbəsi və 36-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 221-ci (xuliqanlıq) maddəsi ilə axtarışda olan 1986-cı təvəllüdlü Rüstəm Zadayev tutulub.

Bundan başqa, Suraxanı Rayon Polis İdarəsinin, Xətai Rayon Polis İdarəsinin, Xəzər Rayon Polis İdarəsinin Qeydiyyat və Şəxsiyyət Vəsiqəsi Şöbələrinin əməkdaşları tərəfindən borclu kimi axtarışda olanlar, müvafiq olaraq, 1985-ci il təvəllüdlü Vüsal Əliyev, 1975-ci il təvəllüdlü Aqil Əhmədov, 1983-cü il təvəllüdlü Alim Nəsirov, 1979-cu il təvəllüdlü Aqşin Abdullayev tutulub.

Hacı Zeynalov