Bakıda ağır yol qəzası: sürücü öldü

Bakının Nərimanov rayonu ərazisində ölümlə nəticələnən yol nəqliyyat hadisəsi baş verib.

Bu barədə Teleqraf.com-a Nərimanov rayon Polis İdarəsindən məlumat verilib.

Məlumata görə, hadisə rayonun Məmməd Araz küçəsi 70 ünvanının qarşısında qeydə alınıb. Andrey Koçernikov idarə etdiyi “Niva” markalı minik avtomobilini aşırıb.

Nəticədə avtomobilin sürücüsü dünyasını dəyişib. Avtomobildə olan sərnişin Elman Həsənov isə müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı araşdırma aparılır.

Hacı Zeynalov