Goranboyda evdən 8 min manatlıq qızıl oğurlandı

Goranboy rayonunda evdən oğurluq edilib.

Teleqraf.com xəbər verir ki, fevralın 19-da Rəddin Məmmədova məxsus evdən 40 manat və 45 ABŞ dolları, habelə 8000 manat dəyərində qızıl əşyalar oğurlanıb.

Goranboy rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində oğurluğu törədən Şəki rayon sakini Elnur Səmədov tutulub.

Ətrafında aparılmış əməliyyat tədbirləri ilə onun Şəki rayonu ərazisində daha 4 evdən oğurluq etməsi də müəyyən edilib.

Hacı Zeynalov