Silsilə cinayətlər törədən dostlar həbs edildi

Bakının Sabunçu rayonunda oğurluq edən şəxslər məsuliyyətə cəlb edilib.

Teleqraf.com xəbər verir ki, Sabunçu Rayon Polis İdarəsinin 13-cü polis bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakinləri – 1972-ci il təvəllüdlü Asif Dadaşov və 1986-cı il təvəllüdlü Kazım Əliyev tutulub.

Əməliyyat zamanı Asif Dadaşovdan 1,770 və Kazım Əliyevdən 1,814 qram heroin götürülüb. Asif Dadaşovun əvvəllər məhkum olunduğu bildirilir.

Müəyyən edilib ki, onlar fevralın 3-də Nizami rayonu C.Naxçıvanski küçəsində Gülşən Həsənovaya və İ.Məmmədov küçəsində Fəridə Zeynalovaya məxsus “Hyundai” markalı avtomobillərdən, şüşəni sındırmaqla içərisində pul, sənədlər, qızıl-zinət və digər əşyalar olan əl çantalarını oğurlayıblar.

Bundan əlavə yanvarın 20-də Bakıxanov qəsəbəsi Sülh küçəsində Gülmirə Ağayevaya məxsus “Hyundai-Elantra” markalı avtomobildən içərisində 1000 manat, qızıl-zinət əşyaları, planşet və sənədlər olan əl çantasını, fevralın 28-də isə Vüqar Əsədova məxsus “Kia” markalı avtomobildən içərisində 10 min manat olan idman çantasını talayıblar.

Hacı Zeynalov