Əməkdar artistin İran səfəri təxirə düşdü - SƏBƏB

Gənc Tamaşaçılar Teatrının aktyoru, əməkdar artist Şövqi Hüseynovun İrana səfəri təxirə salınıb.

Aktyor Teleqraf.com-a açıqlamasında bunun səbəblərindən danışıb: “Səfər İran İslam Respublikasının Mazandaran vilayətinin Noşəhr şəhərinin Xüsusi mədəniyyət evinin dəvəti ilə baş tutacaqdı. Orda mən P.Züskindin “Kontrabas” və N.Qoqolun “Dəlinin qeydləri” monotamaşalarını nümayiş etdirəcəkdim. Səfər çərçivəsində bir neçə şəhərlərdə də tamaşaların nümayişi planlaşdırılırdı. Həmin şəhərlərin seçilməsi ilə əlaqədar olaraq İran tərəfi səfərin vaxtını dəyişib, sentyabr ayının 1-6-ı tarixlərinə təyin etdi”.